Ola chicxs, desculpade o retraso na subida da entrada, pero tiña problemas para subir o vídeo. Nos adentramos na penúltima semana do curso. Esta semana o que tedes que facer é mandar as actividades sobre o nazismo que publiquei a semana anterior.
Para axudarvos tedes o vídeo desta semana no que explico o apartado 6 dos apuntes: https://youtu.be/6KUe9_WKqDI
Aquí podedes descargar os apuntes do Tema 7: DESCARGAR APUNTES.
Tedes ata o venres 12 de xuño para mandar as actividades. Aplícase a mesma data para actividades atrasadas.
Por outra parte, para quen poida e quera facelo esta semana vou explicar o que vou pedir o luns que ven, e se queredes podedes mandarmo esta semana. Quería pedirvos que me escribírades un email cunha reflexión sobre este curso na materia de historia, e sobre todo o que pasou nestes meses tan excepcionais en xeral. Esta é unha actividade que eu sempre pido de xeito presencial en forma de carta, pero como así non pode ser a pido como email.
Quero que me contedes:
- Que foi o que máis vos gustou de actividades na materia de historia (presenciais e de cuarentena) e o que menos e por que.
- Que temas vos gustaron máis e cales menos e por que.
- Con que vos quedades este curso,
- cousas que pensades que podo mellorar eu como profesora,
- se pensades que aprendíchedes en xeral ou non, etc.
- En definitiva, unha reflexión sobre todo o que fixemos este ano, e a aportación que vos deu a materia persoalmente.
- Tamén me podedes contar como vívichedes estes meses de confinamento e a vosa opinión sobre o cambio de presencial a online na materia.
- Calquera cousa que me queirades comentar.
O luns colgarei eu tamén a miña propia reflexión sobre o tema, e pídovos que nesta semana ou a seguinte, lle dediquedes uns momentos a esta valoración, pois a min axúdame moito de cara ao curso seguinte.
O próximo luns non pedirei nada, só esta reflexión que me podedes mandar xa esta semana.
FELIZ SEMANA A TODOS! :)
Ningún comentario:
Publicar un comentario