Ola chicxs! Espero que esteades todos ben e pasando
esta situación tan excepcional do mellor xeito posible. Para non aburrirnos
tanto nin perder a rutina de traballo, puxen a andar este blog para colgar
contidos, pelis, xogos, tarefas, actividades, kahoots da miña materia.
Todas as semanas subirei varios días actividades para
facer que me poderedes entregar nas seguintes contas de correo:
nereamiguelezgonzalez@gmail.com ou judy.mg.93@gmail.com. Calquera dúbida mandádema a través delas. Eu sempre mando un correo de "recibido" cando me mandades as actividades, se vedes que non o mandei intentade escribirme de novo ou deixademe un comentario no blog
É moi importante que tratedes de facelas para que non
se nos xunte todo á volta.
As previstas para hoxe son as seguintes (NON AS TEDES QUE MANDAR HOXE, FACÉDEAS NOS PRÓXIMOS DÍAS):
ACTIVIDADE 1: ESQUEMAS: Esta a poño aínda que
xa avisei presencialmente: Debedes facer os esquemas dos apartados 4 e 5
do tema 5: A Primeira Guerra Mundial no caderno. Aínda que sexa algo aburrido é
unha actividade que vos axuda a ir lendo o tema e a asimilar os contidos. Revisarei que a fixechedes cando mire os cadernos, pero se queredes que conte dende xa como un positivo, mandádeme a foto do caderno nun mail ao meu correo.
ACTIVIDADE 2: PELÍCULA "1917": Visionado da película
"1917". Xa empezamos a ver esta película na clase pero
gustaríame que a vírades na casa. É unha película moi entretida e visual que
nos axuda a imaxinar a realidade da fronte durante a Primeira Guerra
Mundial.
Quero que vexades a película e que cando rematedes me fagades:
Quero que vexades a película e que cando rematedes me fagades:
1) Un resumo da mesma.
2) Que me expliquedes, que cousas víchedes na película
que comentásemos nós na clase ou que aparezan nos apuntes. En resumo, que me
expliquedes a relación que existe entre a película e a materia de
Historia.
3) Que fagades unha valoración crítica da
película: se vos gustou ou non é por que, que cousas puidéchedes
aprender ou imaxinar véndoa, etc.
Non é necesario que lle poñades título a estos
apartados, simplemente quero que recollades esos tres temas na
vosa actividade, pero podedes facer o texto todo seguido sen poñer títulos nin
apartados.
Esta actividade debe aparecer recollida no voso
caderno: xa sexa escribíndoa a man ou nun documento de word e despois
imprimíndoa e meténdoa ou pegándoa no caderno (revisareina cando mire os cadernos). E ademais debedes enviarma por
correo se queredes que conte dende xa como realizada e ter un positivo na materia: o mesmo, en word ou simplemente sacándolle unha foto ao caderno.
NORMAS PARA A SÚA REALIZACIÓN:
- Debe
incluír nome e apelidos e o voso curso.
- Debe ter
marxes o voso texto.
- Se o
escribides a ordenador o texto debe estar xustificado, isto quere dicir
que debedes aliñear o texto para que todas as liñas do final do
mesmo rematen á mesma altura. En word ou en oppenoffice
tedes a opción de facelo na barra de ferramentas, nun recuadro que
ten as líneas ordenadas ou na opción Ctrl+ J.
- Ten que
haber varios parágrafos. Non quero textos que sexan un
único texto todo seguido, debedes dividir en parágrafos sempre. Isto non
significa que a cada frase que poñades teñades que poñer un punto e
aparte. Senón que cada certo número de liñas (principalmente cada vez que
cambiamos de tema ou idea) temos que poñer un punto e aparte e facer un
novo parágrafo
- Puntuación
dos textos: Na inmensa maioría das veces
non puntuades ben os textos, de xeito que non se entenden ben. Normalmente
tendemos a facer frases longas e sen comas. Isto é un erro. É moito mellor
facelas máis curtas e poñer puntos e seguido, e tamén incluír comas. Eu
non vos aconsello que utlicedes o recurso aos puntos e como (;) porque
normalmente os utilizades mal (se usan sobre todo para facer enumeracións
de cousas que implican frases enteiras). Polo tanto vos recomendo que en
vez de puntos e coma poñades punto e seguido. Para puntuar ben un texto é
recomendable ler o texto en alto. Se podemos ler o texto sen problemas e o
entendemos, é que está ben puntuado. Se ao ler o texto non ten o sentido
que lle queredes dar ou vos afogades ao ler, é que está mal
puntuado.
Na opción "DESCARGAR" que aparece ao final desta
entrada poderedes descargarvos a película e os subtítulos (estos aparecen nun
documento aparte). Para ver a película tedes que:
- DARLLE A DESCARGAR DO DRIVE AO VOSO ORDENADOR (BOTÓN DA FRECHA PARA ABAIXO)
- UNHA VEZ DESCARGADA, ABRILA CO
REPRODUCTOR VLC media player. Pulsades enriba da peli
--> botón dereito --> VCL media player.
- Despois
debedes arrastrar o arquivo cos subtítulos e soltalo enriba da
ventana na que se está reproducindo a película. Esto o fixen eu
na clase diante de vos, pero se tedes algún problema me mandades un
correo.
Un saúdo e por favor escribídeme cas dúbidas ao correo eu deixádeas en comentarios! Un saúdo a todos.
DESCARGAR
Non fai falta que cho enviemos por gmail?
ResponderEliminarSi, xa o pon nas instruccións
EliminarDonde se pode ver a pelicula?
ResponderEliminarOla, se non a podes descargar, mándame un correo ao meu mail: judy.mg.93@gmail.com e xa che digo como facer
ResponderEliminar